ഡൽഹി: ഐഐടിയിൽ വിദ്യാർത്ഥിയെ തൂങ്ങി മരിച്ച നിലയിൽ കണ്ടെത്തി. മഹാരാഷ്ട്രയിലെ നാസിക്ക് സ്വദേശി സഞ്ജയ് നെർക്കറാണ് മരിച്ചത്. അവസാന വർഷ എം ടെക്ക് വിദ്യാർത്ഥിയായിരുന്നു സഞ്ജയ്. സംഭവത്തിൽ പൊലീസ് അന്വേഷണം ആരംഭിച്ചു.
ഐഐടിയുടെ ദ്രോണഗിരി ഹോസ്റ്റലിലാണ് സംഭവം. കോളുകളോട് പ്രതികരിക്കാത്തതിനെ തുടർന്ന് വിദ്യാർത്ഥിയുടെ കുടുംബം ആശങ്കയിലായതോടെയാണ് സംഭവം ശ്രദ്ധയിൽ പെട്ടത്. ദ്രോണാചാര്യ ഹോസ്റ്റലിലെ 757-ാം നമ്പർ മുറിയിലാണ് നേർക്കർ താമസിച്ചിരുന്നതെന്നും എന്താണ് മരണകാരണമെന്ന് വ്യക്തമല്ലെന്നും പോലീസ് അറിയിച്ചു.
ഈ വർഷം റിപ്പോർട്ട് ചെയ്യ്ത നാലാമത്തെ ഐഐടി ആത്മഹത്യയാണിത്. ദളിത് വിഭാഗങ്ങളിൽ നിന്നുള്ള രണ്ട് പേർ ഉൾപ്പെടെ മൂന്ന് വിദ്യാർത്ഥി മരണങ്ങൾ ഇതിനോടകം റിപ്പോർട്ട് ചെയ്യപ്പെട്ടിട്ടുണ്ട്. അക്കാദമിക് സമ്മർദ്ദത്തിൻ്റെ കാരണങ്ങളാൽ ഐഐടി കാൺപൂർ കഴിഞ്ഞ മാസം രണ്ട് ആത്മഹത്യകൾ റിപ്പോർട്ട് ചെയ്തു. ഫെബ്രുവരി 13 ന് ഐഐടി റൂർക്കിയും അടുത്തിടെ ഒരു വിദ്യാർത്ഥി ആത്മഹത്യ റിപ്പോർട്ട് ചെയ്ത്തിട്ടുണ്ട്.
Discussion about this post