ആറ് സംസ്ഥാനങ്ങളിലെ ആഭ്യന്തര സെക്രട്ടറിമാരെയും പശ്ചിമ ബംഗാളിലെ പോലീസ് ഡയറക്ടർ ജനറലിനെയും മറ്റ് ഉന്നത ഉന്നത ഉദ്ദ്യാഗസ്ഥരെയും മാറ്റുന്നതിനുള്ള ഉത്തരവ് പുറപ്പെടുവിച്ച് തിരഞ്ഞെടുപ്പ് കമ്മീഷൻ.
ഗുജറാത്ത്, ഉത്തർപ്രദേശ്, ബിഹാർ, ജാർഖണ്ഡ്, ഹിമാചൽ പ്രദേശ്, ഉത്തരാഖണ്ഡ് എന്നീ ആറ് സംസ്ഥാനങ്ങളിലെ മുഖ്യമന്ത്രിയുടെ ഓഫീസിൻ്റെ ചുമതലയുള്ള ആഭ്യന്തര സെക്രട്ടറിമാരെ നീക്കം ചെയ്യാൻ കമ്മീഷൻ ഉത്തരവിട്ടു.
കൂടാതെ മിസോറാമിലെയും ഹിമാചൽ പ്രദേശിലെയും ജനറൽ അഡ്മിനിസ്ട്രേറ്റീവ് ഡിപ്പാർട്ട്മെൻ്റ് സെക്രട്ടറിയെയും നീക്കം ചെയ്തിട്ടുണ്ട്. പട്ടികയിൽ ഉന്നത ഉദ്യോഗസ്ഥരും ഉൾപ്പെടുന്നു. ബൃഹൻ മുംബൈ മുനിസിപ്പൽ കമ്മീഷണർ ഇഖ്ബാൽ സിംഗ് ചാഹൽ, അഡീഷണൽ കമ്മീഷണർമാർ ഡെപ്യൂട്ടി കമ്മീഷണർമാർ എന്നവരും പട്ടികയിലുണ്ട്.
ഏപ്രിൽ 19 മുതൽ ഏഴ് ഘട്ടങ്ങളിലായി നടക്കുന്ന ലോക്സഭാ തെരഞ്ഞെടുപ്പിന് മുന്നോടിയായാണ് ഈ നീക്കം. ജൂൺ നാലിന് ഫലം പ്രഖ്യാപിക്കുന്നത്. ഇതോടെ മാതൃകാ പെരുമാറ്റച്ചട്ടം (എംസിസി) നിലവിൽ വന്നു. വെള്ളിയാഴ്ചയാണ് തിരഞ്ഞെടുപ്പ് കമ്മീഷൻ ഇക്കാര്യം അറിയിച്ചത്.
തെരഞ്ഞെടുപ്പിന് മുന്നോടിയായി നേതാക്കൾക്കും പാർട്ടികൾക്കും ചെയ്യേണ്ടതും ചെയ്യരുതാത്തതുമായ ഒരു പട്ടിക തയ്യാറാക്കുന്ന മാതൃകാ പെരുമാറ്റച്ചട്ടം (എംസിസി) കർശനമായി പാലിക്കാൻ എല്ലാ രാഷ്ട്രീയ പാർട്ടികളോടും അവരുടെ നേതാക്കളോടും മുഖ്യ തിരഞ്ഞെടുപ്പ് കമ്മീഷണർ രാജീവ് കുമാർ ആവശ്യപ്പെട്ടു.
തെരഞ്ഞെടുപ്പിന് മുമ്പ് രാഷ്ട്രീയ പാർട്ടികളെയും സ്ഥാനാർത്ഥികളെയും നിയന്ത്രിക്കുന്നതിന് പുറപ്പെടുവിച്ചിട്ടുള്ള ഒരു കൂട്ടം മാർഗ്ഗനിർദ്ദേശങ്ങളാണ് മാതൃകാ പെരുമാറ്റച്ചട്ടം (എംസിസി). പ്രസംഗങ്ങൾ, പോളിംഗ് ദിവസം, പോളിംഗ് ബൂത്തുകൾ, പോർട്ട്ഫോളിയോകൾ, തിരഞ്ഞെടുപ്പ് പ്രകടന പത്രികകളുടെ ഉള്ളടക്കം, ഘോഷയാത്രകൾ, പൊതു പെരുമാറ്റം എന്നിവയുമായി ബന്ധപ്പെട്ട വിഷയങ്ങൾ മുതൽ സ്വതന്ത്രവും നീതിയുക്തവുമായ തിരഞ്ഞെടുപ്പ് നടത്തുന്നതിന് നിയമങ്ങൾ ഉൾപ്പെടുന്നു.
Discussion about this post