ശ്രീനഗർ: ജമ്മു കശ്മീരിലെ ഝലം നദിയിൽ ബോട്ട് മറിഞ്ഞ് നാല് കുട്ടികൾ മരിച്ചു. പത്തുപേരെ കാണാതായി. 20 പേരായിരുന്നു ബോട്ടിൽ ഉണ്ടായിരുന്നതെന്നാണ് വിവരം. ബോട്ടിൽ ഉണ്ടായിരുന്നവരിലേറെയും വിദ്യാർഥികളായിരുന്നു.കാണാതായവർക്കായുള്ള തെരച്ചിൽ തുടരുകയാണ്.
സംസ്ഥാന ദുരന്ത നിവാരണ സേനയുടെ നേതൃത്വത്തിലാണ് പ്രദേശത്ത് രക്ഷാപ്രവർത്തനം നടക്കുന്നത്. കഴിഞ്ഞ ദിവസം പെയ്ത കനത്ത മഴ കരണവും ഉരുൾപൊട്ടൽ കാരണവും നദിയിൽ ജലനിരപ്പ് ഉയർന്നിരുന്നു. ഇതാണ് അപകടത്തിന് കാരണമായത്. ഇക്കാരണത്താൽ ജമ്മു – ശ്രീനഗർ ദേശീയ പാതയും അടച്ചിരിക്കുകയാണ്. നദി മുറിച്ചു കടക്കുന്നതിനിടെ ബോട്ട് തലകീഴ്മറിയുകയായിരുന്നുവെന്നാണ് റിപ്പോർട്ട്. ഇന്ന് രാവിലെയോടെ ആയിരുന്നു അപകടം.
Discussion about this post