തിരുവനന്തപുരം: ഈ വര്ഷത്തെ എസ്എസ്എല്സി, ടിഎച്ച്എസ്എല്സി പരീക്ഷാഫലം മെയ് എട്ടിന് പ്രഖ്യാപിക്കുമെന്ന് മന്ത്രി വി.ശിവന്കുട്ടി. വൈകിട്ടു മൂന്നു മണിക്കായിരിക്കും ഫലം പുറത്തുവിടുക. ഹയര്സെക്കന്ഡറി, വിഎച്ച്എസ് സി ഫലം ഒന്പതിനും പ്രഖ്യാപിക്കും.
കഴിഞ്ഞവര്ഷം മെയ് 19നായിരുന്നു എസ്എസ്എല്സി ഫല പ്രഖ്യാപനം. ഇത്തവണ പതിനൊന്നു ദിവസം മുമ്പാണ് ഫലം പ്രഖ്യാപിക്കുന്നത്. 70 ക്യാമ്പുകളിലായി ഏപ്രില് മൂന്നിനാണ് മൂല്യനിര്ണയം ആരംഭിച്ചത്. ക്യാമ്പ് ഓഫീസര്മാരടക്കം 10,500 അധ്യാപകര് പങ്കെടുത്ത് റെക്കോര്ഡ് വേഗത്തിലാണ് മൂല്യനിര്ണയം പൂര്ത്തിയാക്കിയത്.
ആകെ 4,41,120 വിദ്യാർത്ഥികളാണ് പരീക്ഷ എഴുതിയത്. ഇതിൽ 2,23,736 ആൺകുട്ടികളും 2,17,384 പെൺകുട്ടികളും ഉൾപ്പെടുന്നു. ഏപ്രിൽ 3 മുതൽ 24-ാം തീയതി വരെയാണ് മൂല്യനിർണ്ണയം നടന്നത്. പ്ലസ് വൺ, പ്ലസ് ടു പരീക്ഷാ മൂല്യനിർണ്ണയത്തിൽ മൊത്തം 77 ക്യാമ്പുകളിലായി ഇരുപത്തി അയ്യായിരത്തോളം അധ്യാപകർ പങ്കെടുത്തു.
Discussion about this post